Daşkənddə "Miss Union Fashion-2018" beynəlxalq müsabiqəsində Azərbaycan da təmsil olunacaq

Martın 20-də “Dünyanı gözəllik xilas edəcək” devizi altında Daşkənddə keçiriləcək "Miss Union Fashion-2018" üçüncü beynəlxalq müsabiqəsində ölkəmizi tanınmış Azərbaycan modelyeri, Əməkdar İncəsənət Xadimi Fəxriyyə Xələfova təmsil edəcək.
Özbəkistandakı səfirliyimiz və bu qurumun nəzdindəki Heydər Əliyev adına Azərbaycan Mədəniyyət Mərkəzinin dəstəyi ilə keçirilən müsabiqəyə Avropa, Asiya və Afrika ölkələrindən dəvət olunan modelyerlər qatılacaq.
Müsabiqəyə Özbəkistanda tanınan modelyeri Gulnara Muxammadova ev sahibliyi edəcək. Yarışmada dünyanın müxtəlif yerlərindən gələn modelyerlər öz ölkələrinin mədəniyyətini, adət-ənənələrini müasir üslubda təqdim edəcəklər.
Modelyerlər Daşkənd və Səmərqənd şəhərlərinin görməli yerləri ilə də tanış olacaqlar.
Xatırladırıq ki, Bakıda keçirilən “Miss Union Fashion–2016” müsabiqəsində Gürcüstanın təmsilçisi Mayya Amamukeli, Avstriyada keçirilən “Miss Union Fashion–2017” müsabiqəsində Azərbaycan nümayəndəsi Səhər Əkbər qalib olmuşdur. 

Azərbaycan Himni
Azərbaycan! Azərbaycan!
Ey qəhrəman övladın şanlı Vətəni!
Səndən ötrü can verməyə cümlə hazırız!
Səndən ötrü qan tökməyə cümlə qadiriz!
Üçrəngli bayrağınla məsud yaşa!
Üçrəngli bayrağınla məsud yaşa!

Minlərlə can qurban oldu,
Sinən hərbə meydan oldu!
Hüququndan keçən əsgər,
Hərə bir qəhrəman oldu!

Sən olasan gülüstan,
Sənə hər an can qurban!
Sənə min bir məhəbbət
Sinəmdə tutmuş məkan!

Namusunu hifz etməyə,
Bayrağını yüksəltməyə
Namusunu hifz etməyə,
Cümlə gənclər müştaqdır!
Şanlı Vətən! Şanlı Vətən!
Azərbaycan! Azərbaycan!
Azərbaycan! Azərbaycan!
Musiqisi: Üzeyir Hacıbeyovun
Sözleri: Ehmed Cavadındır
Gənc Mədəniyyət Işçilərinin Koordinasiya Kreativ Qrupu sosial şəbəkələrdə
Nailiyyətlərimiz rəqəmlərdə