“Euronews” telekanalı “FeMusa” kamera orkestri barədə süjet yayımlayıb

“Euronews” telekanalı IX Qəbələ Beynəlxalq Musiqi Festivalında iştirak edən “FeMusa” kamera orkestri barədə süjet yayımlayıb. Kamera orkestrinin yaradıcısı və bədii rəhbəri, Böyük Britaniyada yaşayan gənc azərbaycanlı skripkaçı, beynəlxalq müsabiqələr laureatı Nəzrin Rəşidovadır.
AZƏRTAC xəbər verir ki, süjetdə orkestrin festivalda çıxışı, kollektiv üzvlərinin “Euronews” telekanalına müsahibələri yer alıb. Qeyd olunur ki, 2008-ci ildə istedadlı qadın musiqiçilərdən təşkil edilən orkestrin repertuarına müasir bəstəkarların əsərləri daxildir. IX Qəbələ Beynəlxalq Musiqi Festivalında “FeMusa” kamera orkestri Qara Qarayev və Fikrət Əmirovun da əsərlərini səsləndirib. Orkestrin üzvü Kati Furmanski “FeMusa”da işləməsinə qədər Azərbaycan bəstəkarlarının əsərlərini ifa etmədiyini söyləyir. Vurğulayır ki, bu əsərlər heyrətamiz üsluba malikdir.
Nəzrin Rəşidova isə müsahibəsində Londonda təhsil aldığı sonuncu ildə kamera orkestri yaratmaq qərarına gəldiyini bildirir. Qeyd edir ki, qadınlardan ibarət bu cür kollektiv Böyük Britaniyada keçən əsrin 50-ci illərindən bəri olmayıb.
Süjetdə Qəbələ Beynəlxalq Musiqi Festivalının tarixi və təşkilatçıları barədə də məlumat verilir. 

Azərbaycan Himni
Azərbaycan! Azərbaycan!
Ey qəhrəman övladın şanlı Vətəni!
Səndən ötrü can verməyə cümlə hazırız!
Səndən ötrü qan tökməyə cümlə qadiriz!
Üçrəngli bayrağınla məsud yaşa!
Üçrəngli bayrağınla məsud yaşa!

Minlərlə can qurban oldu,
Sinən hərbə meydan oldu!
Hüququndan keçən əsgər,
Hərə bir qəhrəman oldu!

Sən olasan gülüstan,
Sənə hər an can qurban!
Sənə min bir məhəbbət
Sinəmdə tutmuş məkan!

Namusunu hifz etməyə,
Bayrağını yüksəltməyə
Namusunu hifz etməyə,
Cümlə gənclər müştaqdır!
Şanlı Vətən! Şanlı Vətən!
Azərbaycan! Azərbaycan!
Azərbaycan! Azərbaycan!
Musiqisi: Üzeyir Hacıbeyovun
Sözleri: Ehmed Cavadındır
Gənc Mədəniyyət Işçilərinin Koordinasiya Kreativ Qrupu sosial şəbəkələrdə