Balacaların böyük məhəbbəti adlı kitab sərgisi açılıb -
“Balacaların böyük məhəbbəti” adlı kitab sərgisi açılıb

Bakı Şəhər Mədəniyyət və Turizm İdarəsinin şəbəkəsinə daxil olan Səbail rayon MKS-nin Mərkəzi Kitabxanasında Əməkdar İncəsənət Xadimi, yazıçı, şair, pedaqoq Abdulla Şaiqin anadan olmasının 135 illiyinə həsr olunmuş tədbir keçirilib.
Kitabxanadan AZƏRTAC-a bildirilib ki, tədbir iştirakçıları əvvəlcə kitabxana əməkdaşlarının ədibin yaradıcılığı əsasında hazırladığı “Balacaların böyük məhəbbəti” adlı kitab sərgisi ilə də tanış olublar.
Tədbirdə Abdulla Şaiqin ev muzeyinin böyük elmi işçisi G.Əsədova Vətənə canı, qanı, ruhu ilə bağlı olan, xalq arasında böyük nüfuz qazanan Abdulla Şaiqin yaradıcılığı barədə məlumat verib. Ömrünün son günlərinə qədər uşaqlar üçün yazıb-yaratmış, bir-birindən gözəl, yüksək tərbiyəvi əhəmiyyətli əsərləri ilə gənc nəslin maariflənməsinə çalışmış ədibin əsərlərinin indi də böyük əhəmiyyət kəsb etdiyi bildirilib.
Gəncədən gəlmiş məktəblilər, həmçinin paytaxtın 189-190 nömrəli tam orta məktəb şagirdləri A.Şaiqin “Köç”, “Məktub yetişmədi” hekayələrini təhlil edib və ədibin uşaqlar üçün sadə dildə yazdığı şeirləri səsləndiriblər.
Tədbirdə 6-cı sinif şagirdləri - Məhəmməd Nəbizadə və Rəhman Məhərrəmlinin hazırladıqları Abdulla Şaiq yaradıcılığını əks etdirən videoçarx nümayiş olunub. 

Azərbaycan Himni
Azərbaycan! Azərbaycan!
Ey qəhrəman övladın şanlı Vətəni!
Səndən ötrü can verməyə cümlə hazırız!
Səndən ötrü qan tökməyə cümlə qadiriz!
Üçrəngli bayrağınla məsud yaşa!
Üçrəngli bayrağınla məsud yaşa!

Minlərlə can qurban oldu,
Sinən hərbə meydan oldu!
Hüququndan keçən əsgər,
Hərə bir qəhrəman oldu!

Sən olasan gülüstan,
Sənə hər an can qurban!
Sənə min bir məhəbbət
Sinəmdə tutmuş məkan!

Namusunu hifz etməyə,
Bayrağını yüksəltməyə
Namusunu hifz etməyə,
Cümlə gənclər müştaqdır!
Şanlı Vətən! Şanlı Vətən!
Azərbaycan! Azərbaycan!
Azərbaycan! Azərbaycan!
Musiqisi: Üzeyir Hacıbeyovun
Sözleri: Ehmed Cavadındır
Gənc Mədəniyyət Işçilərinin Koordinasiya Kreativ Qrupu sosial şəbəkələrdə
Nailiyyətlərimiz rəqəmlərdə